賽前分析1

車仔Vs熱刺睇入球騷
倫敦打吡射手大火併
今晚英超爆發倫敦打吡,3哥車路士主場火併1哥熱刺,亦係兩軍主帥、徒弟林柏特與恩師摩連奴大對決。車仔今季崇尚進攻,尤其係主場出擊零舍進取,挾6連勝之勢唔會縮,不過熱刺兩大神鋒哈利卡尼及孫興民腳風堅順,車仔主攻更加啱晒佢哋打反擊,勢必合演入球騷,2.5球嘅大盤有買趁早。

(Now 621及611周一凌晨零時30分直播)

隨住一班新兵逐漸融入,車路士主帥林柏特嘅進攻打法開始成形,以快速見稱嘅德國射手迪姆華拿,近5場聯賽已入4粒,傷愈復出嘅翼鋒薛耶治,5次聯賽上陣亦入1球及貢獻3次助攻,令攻勢更加入肉。早前確診新冠肺炎嘅中場夏維斯已經好番,仲喺日前歐聯作客雷恩復出,若需要高空轟炸,「藍戰士」仲有中鋒譚美阿巴謙、基奧特及翼鋒赫臣奧杜爾候命,後兩者日前對雷恩齊齊入波,協助車路士贏波提早出線16強,並締造6連勝弗爆。由於進攻瓣數甚多,造就車仔今季9場聯賽入22粒,暫時係英超火力最強球隊,連盃賽在內,近6場主場有5次開3球或以上,今場必藉地利搶攻先發制人。

老孫卡尼着晒火
與熱血少帥「林伯」相比,「寸王」摩連奴更顯老謀深算,喺佢改造之下,王牌哈利卡尼經常墮後策動進攻,不過表現依然Sharp醒,今季9場聯賽入7粒兼有9次助攻,佢不斷走動引開對方守衞嘅同時,令好拍檔孫興民有更多後上入楔埋門機會,「老孫」至今聯賽有9球進帳,位居射手榜次席,絕對係英超今季最強進攻組合。唔好忘記,熱刺後備席仲有加里夫巴利、迪利阿里同卡路士雲尼斯奧斯等候命,後者喺日前歐霸對盧多格德斯入2粒兼有助攻,最終大勝4比0,如果要變陣都大把奇兵用。

由於車仔主攻,令後場暴露更多空位,更適合「寸王」嘅反擊戰術,呢場師徒之戰勝負難料,但應該多波入,大盤咪錯過。

已浏览: 349
滚动到顶部

主域名升级公告


https://goally.com

http://⇒加个S为⇒https://

注:windows XP 不支持https://,电脑请用 windows7 以上系统!