足球快訊2

利物浦首冠夢碎?英超多隊籲取消球季
英國肺炎疫情失控,連查理斯王子同首相約翰遜都相繼中招,愈嚟愈多英超球隊開始轉風向,根據權威體育網站《The Athletic》報道,多支英超球隊呼籲取消今個賽季。利物浦想成為新嘅英超盟主希望可能會幻滅。

該報道指,韋斯咸副主席嘉倫之前提出應取消今個球季,被球迷甚至球圈人士鬧爆,上周20支球隊開完電話會議,作出球季必須要完成嘅承諾,但只係基於7.6億鎊電視轉播考慮。

隨住疫情愈嚟愈嚴重,體育賽事變得次要,各隊都開始擔心,《The Athletic》引述消息指,有英超高層表示,無論結果如何,都願意承擔取消賽季嘅後果:「依家唔係體育嘅時候。」

報道亦提到利物浦嘅問題,有球會主席斥責,喺疫情嚴峻時期講聯賽幾時重開實在令人憤怒,喺道德上令人難以接受:「我明白利物浦嘅狀況,相對國家依家嘅環境下,佢哋攞唔攞冠軍真係唔算乜嘢大事。」

如此同時,英超賽會當地時間周五(27日)發表聲明,稱同英格蘭足球聯賽(EFL)及英格蘭職業足球運動員協會(PFA)舉行會議,指三方認同需要採取艱難決定,減少停賽對球會經濟嘅影響。聲明指出,英超、英冠至英乙的賽事暫停至4月30日,並喺條件許可之下重開,但最後又補一句,下個星期會再開會傾。

已浏览: 384
滚动到顶部

主域名升级公告


https://goally.com

http://⇒加个S为⇒https://

注:windows XP 不支持https://,电脑请用 windows7 以上系统!